பிரிட்டனின் புதிய 5 பவுண்டு நோட்டில் மாட்டுக் கொழுப்பு : எதிர்ப்பு தெரிவிக்கும் ’சைவர்கள்’

2016-01-12-11-24-01l

கடந்த செப்டம்பர் மாதத்தில் பிரிட்டனில் புதிய ஐந்து பவுண்டு நோட்டு அறிமுகப்படுத்தப்பட்ட போது அதற்கு பலரும் ஆதரவு தெரிவித்தனர்.

இந்த புதிய 5 பவுண்டு நோட்டு உறுதியானது. இது கிழிவதற்கு வாய்ப்பில்லை. இந்த புதிய நோட்டின் மீது பியர் மதுபானத்தை தெளித்து, அதனை துணி துவைக்கும் இயந்திரத்தில் போட்டு இயந்திரத்தை சுழல விட்டாலும் இந்த நோட்டு சேதப்படுவதில்லை. இவையெல்லாம் இந்த புதிய பவுண்ட் நோட்டு குறித்து கூறப்படும் பெருமைமிகு அம்சங்கள்.
ஆனால், இதற்கு எதிரான ஒரே விஷயம், இந்த புதிய பவுண்டு நோட்டு கொழுப்பு சத்து உள்ளது என்பது தான்.
பவுண்டு தாளில் கொழுப்பு சத்து எப்படி?
பிளாஸ்டிக் பாலிமரால் தயாரிக்கப்பட்ட இந்த 5 பவுண்டு நோட்டில் மிருகங்களின் கழிவுப் பொருட்களில் இருந்து பெறப்பட்ட மாட்டுக் கொழுப்பு சிறிய அளவில் இருப்பது சில சைவ உணவு உண்பவர்களுக்கு வருத்தத்தை அளித்துள்ளது.
இறைச்சிக் கூடங்களில் மாட்டுக்கறி , ஆட்டுக்கறி அல்லது சில சமயம் பன்றிக் கறியிலிருந்தோ அல்லது உணவு தயாரிக்கும் முறையில் பெறப்பட்ட கொழுப்பு, சோப்பு கட்டிகள் மற்றும் மெழுகுவர்த்திகள் போன்றவற்றை உருவாக்க அடிப்படையாக பயன்படுத்தப்படுவது முந்தைய தலைமுறையினருக்கு நன்கு தெரிந்தது தான்.
பன்றி இறைச்சியின் சாரம்
புதிய 5 பவுண்டு நோட்டில் மாட்டுக் கொழுப்பு இருப்பது வெளிப்பட்ட பிறகு, சைவ உணவு பழக்கம் உள்ளவர்கள் சமுக வலைத்தளங்களில் தங்களின் அதிருப்தியை வெளிப்படுத்தி வருகின்றனர்.
புதிய 5 பவுண்டு நோட்டின் உள்ளடக்கத்தில் மாற்றம் செய்யப்பட வேண்டுமென்று கோரி 1 லட்சத்துக்கும் மேற்பட்ட மக்கள் ஒரு மனுவில் கையெழுத்திட்டுள்ளனர்.
டிவிட்டர் வலைதளத்தில், புதிய பவுண்ட் நோட்டு தயாரிப்பின் போது தங்களின் உரிமைகளை கவனத்தில் கொள்ளவில்லை என்று சைவ உணவு பழக்கம் உள்ளவர்கள் கூற, இதற்கு எதிர்தரப்பினரோ, சைவ உணவுப் பழக்கம் உள்ளவர்கள் இதனை மிகைப்படுத்துவதாக தெரிவித்துள்ளனர்.

You may also like...

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>