ஒலிம்பிக்கில் இந்திய வீரர்கள் அனைவரும் திறமைகளை சிறப்பாக வெளிப்படுத்தினர்: பிரதமர் மோடி பாராட்டு

5

ஒலிம்பிக்கில் இந்திய வீரர்கள் அனைவரும் தங்களது திறமைகளை சிறப்பாக வெளிப்படுத்தினர் என்று பிரதமர் மோடி தெரிவித்துள்ளார்.

பிரேசில் நாட்டின் ரியோ டி ஜெனிரோ நகரில், ஆக.,3 ம் தேதி துவங்கிய 31வது ஒலிம்பிக் போட்டிகள் இன்றுடன் நிறைவடைந்தது. இந்த ஒலிம்பிக்கில் இந்தியா சார்பில் 15 விளையாட்டு போட்டிகளில், 118 வீரர், வீராங்கனைகள் கலந்து கொண்டனர். ஆனால் ஒரு வெள்ளி, ஒரு வெண்கலம் என இரு பதக்கங்களோடு ஒலிம்பிக்கை நிறைவு செய்தது இந்தியா.

இந்நிலையில் ஒலிம்பிக் போட்டியை சிறப்பாக நடத்தய பிரேசில் நாட்டிற்கு பிரதமர் மோடி பாராட்டு தெரிவித்துள்ளார். மேலும் இதுகுறித்து அவர் தனடு டிவிட்டரில் கூறுகையில் என்றும் நினைவுகூறத்தக்க வகையில் ஒலிம்பிக் போட்டியை பிரேசில் நடத்தியுள்ளது. ஒலிம்பிக் போட்டியில் பங்கேற்ற இந்திய வீரர்கள் அனைவருக்கும் வாழ்த்துக்கள். ஒவ்வொரு இந்திய வீரரும் தங்களது திறமைகளை மிகவும் சிறப்பாக வெளிப்படுத்தினர் என்று தெரிவித்துள்ளார்.

 தேசிய அளவிலான  விளையாட்டு வீராங்கனை விடுதி கட்டணம் செலுத்த முடியாமல் தற்கொலை செய்து கொண்டார்.

தேசிய அளவிலான  விளையாட்டு வீராங்கனை விடுதி கட்டணம் செலுத்த முடியாமல் தற்கொலை செய்து கொண்டார்.

பிரதமருக்கு கடிதம் எழுதிவிட்டு விளையாட்டு வீராங்கனை தற்கொலை!

ஏழை விளையாட்டு வீரர் – வீராங்கனைகளை அடையாளம் கண்டு உதவும்படி பிரதமர் மோடிக்கு உருக்கமான கடிதம் எழுதி வைத்து விட்டு தேசிய அளவிலான  விளையாட்டு வீராங்கனை விடுதி கட்டணம் செலுத்த முடியாமல் தற்கொலை செய்து கொண்டார்.

பஞ்சாப் மாநிலம் பாட்டியாலாவை சேர்ந்தவர் பூஜா (வயது 20) அங்குள்ள கால்சா கல்லூரியில் பிஏ இரண்டாம் ஆண்டு படித்து வந்தார். ஏழைக்குக் டும்பத்தை சேர்ந்த பூஜாவின் தந்தை ஒரு காய்கறி வியாபாரி. தேசிய அளவிலான ஹேண்ட்ப்ல் வீராங்கனையான பூஜாவால் கல்லூரி விடுதிக் கட்டணத்தை செலுத்த முடியவில்லை எனக் கூறப்படுகிறது.

கல்லூரியில் சேரும்போது, இலவசமாக கல்வி அளிப்பதாகவும் விடுதிகட்டணம் செலுத்தத் தேவையில்லை எனக் கூறிய நிர்வாகம், இரண்டாம் ஆண்டில் இருந்து அவருக்கு அளித்து வந்த சலுகைகளை நிறுத்தி விட்டதாக சொல்லப்படுகிறது. இதனால், தினமும் வீட்டில் இருந்தே பூஜா கல்லூரிக்கு சென்று வந்துள்ளார்.  நாள் ஒன்றுக்கு 120 ரூபாய் தேவைப்பட்டுள்ளது. பூஜாவின் தந்தையால் செலவு செய்ய முடியாத நிலை எனத் தெரிகிறது. இதையடுத்து பூஜா தற்கொலை செய்து கொண்டுள்ளார்.

தற்கொலைக்கு முன் பூஜா பிரதமர் மோடிக்கு கடிதம் எழுதியுள்ளார். அதில்,”திடீரென்று எனக்கு அளிக்கப்பட்டு வந்த விடுதி சலுகைகளை நிறுத்தி விட்டனர். தினமும் வீட்டில் இருந்து வருமாறு நிர்பந்தித்தனர். அதற்கு மாதம் ரூ.3,750 தேவைப்பட்டது. என்து தந்தையால் சமாளிக்க முடியவில்லை. என்னைப் போன்ற ஏழை  விளையாட்டு வீராங்கனைகளை அடையாளம் கண்டு, அவர்களுக்கு இலவசமாக கல்வி வழங்கவும், விடுதி கட்டணங்களையும் அரசே ஏற்றுக் கொள்ளவும் பிரதமர் மோடி நடவடிக்கை எடுக்க வேண்டும்” என உருக்கமான வேண்டுகோள் விடுத்துள்ளார்.

மேலும் அந்த கடிதத்தில், பேராசிரியர் ஒருவர்தான் தனது தற்கொலைக்கு காரணம் என்றும் பூஜா குறிப்பிட்டிருந்தார். மாணவியின் தந்தை பிரபு அளித்த புகாரின் அடிப்படையில், பூஜா குறிப்பிட்டிருந்த பேராசிரியர் மீது மாணவியை தற்கொலைக்கு தூண்டியதாக வழக்கு பதிவு செய்யப்பட்டுள்ளது. அதே வேளையில் ”மாணவியின் திறமையின்மை காரணமாக சலுகைகளை நிறுத்தியதாகவும் எனினும் ஆகஸ்ட் 18ம் தேதி அவருக்கு மீண்டும் விடுதியில் தங்கிக்கொள்ள அனுமதி அளிக்கப்பட்டிருந்தது” என நிர்வாகம் விளக்கமளித்துள்ளது.

ஒலிம்பிக் நடந்து கொண்டிருக்கும் சமயத்தில் தேசிய அளவிலான விளையாட்டு வீராங்கனை பிரதமருக்கு கடிதம் எழுதி வைத்துவிட்டு தற்கொலை செய்துள்ள சம்பவம் கடும் அதிர்ச்சியை ஏற்படுத்தியுள்ளது

You may also like...

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>