உலக ஹாக்கி லீக் பைனல்ஸ்: சாம்பியன் பட்டத்தை வென்றது ஆஸ்திரேலியா

201712110002276547_Australia-are-the-champions-Hockey-World-League-Finals_SECVPF

உலக ஹாக்கி லீக் பைனல்ஸ் தொடரின் இறுதி போட்டியில் அர்ஜெண்டினாவை 2-1 என்ற கோல் கணக்கில் வீழ்த்தி ஆஸ்திரேலியா சாம்பியன் பட்டத்தை தட்டிச்சென்றது.

புவனேஸ்வர்:

ஹாக்கியில் சர்வதேச தரவரிசையில் முதல் 8 இடங்களில் உள்ள அணிகள் பங்கேற்கும் உலக ஹாக்கி லீக் பைனல்ஸ் தொடர் போட்டிகள் ஒடிசாவில் நடைபெற்று வந்தது. நேற்று இறுதி போட்டி நடைபெற்றது. இரவு 7:30 மணிக்கு தொடங்கிய இப்போட்டியில் ஆஸ்திரேலியா – அர்ஜெண்டினா அணிகள் மோதின.

இப்போட்டியில் சாம்பியன் பட்டத்தை தட்டிச்செல்லும் முனைப்புடன் உலக சாம்பியன் ஆஸ்திரேலியாவும், ஒலிம்பிக் சாம்பியன் அர்ஜெண்டினாவும் விளையாடினர். ஆட்டம் தொடங்கிய 17-வது நிமிடத்தில் ஆஸ்திரேலியாவின் ஜெர்மி ஹைவார்ட் பெனால்டி வாய்ப்பில் கோல் அடித்தார். அடுத்த நிமிடமே அர்ஜெண்டினா வீரர் அகஸ்டின் புகல்லோ கோல் அடித்து பதிலடி கொடுத்தார். இதையடுத்து ஆட்டம் 1-1 என சமனானது.

தொடர்ந்து இரு அணியினரும் கொல் அடித்து முன்னிலை பெற முயற்சித்தனர். இருப்பினும் கோல் அடிக்கும் அனைத்து முயற்சிகளும் வீணானது. அதன்பின் கடைசியில் 58-வது நிமிட ஆட்டத்தில் பிளேக் கோவர்ஸ் ஆஸ்திரேலிய அணிக்காக பெனால்டி வாய்ப்பில் கோல் அடித்தார்.

அதைத்தொடர்ந்து மேற்கொண்டு எந்த கோலும் அடிக்காததால் ஆஸ்திரேலியா 2-1 என்ற கோல் கணக்கில் வெற்றி பெற்று சாம்பியன் பட்டத்தை தட்டிச்சென்றது.

முன்னதாக மாலை 5:15 மணிக்கு நடந்த வெண்கல பதக்கத்துக்கான போட்டியில் இந்தியா 2-1 என்ற கோல் கணக்கில் ஜெர்மனி அணியை வீழ்த்தியது.

You may also like...

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>